Skip to main content
Loading...

Latest Vlogs

Car 1,000mya
cyntaf yn
y byd

28 Mawrth 2018

Image is not available
Slider

Newyddion Diweddaraf

Uwchgyfrifiadura Cymru’n cydweithio er mwyn datblygu’r genhedlaeth nesaf o arweinwyr Deallusrwydd Artiffisial

Bydd Uwchgyfrifiadura Cymru ar flaen y gad o ran y chwyldro byd-eang mewn deallusrwydd artiffisial, ar ôl cael arian gan lywodraeth y DU i greu un o 16 o Ganolfannau Hyfforddiant Doethurol mewn Deallusrwydd Artiffisial.

Mae’n rhan o fuddsoddiad gwerth £100m gan Ymchwil ac Arloesedd y DU (UKRI) â’r nod o alluogi cenhedlaeth newydd o fyfyrwyr PhD i ddefnyddio technoleg Deallusrwydd Artiffisial i wella gofal iechyd, mynd i’r afael â newid yn yr hinsawdd, dadansoddi data mawr a chreu cyfleoedd masnachol newydd.

Bydd Canolfan Hyfforddiant Doethurol UKRI mewn Deallusrwydd Artiffisial, Dysgu Peiriant ac Uwchgyfrifiadura yn cael ei harwain gan yr Athro Gert Aarts o’r Adran Ffiseg ym Mhrifysgol Abertawe, a bydd yn gweithio gydag Uwchgyfrifiadura Cymru a Phrifysgolion Aberystwyth, Bangor, Caerdydd a Bryste, ac ystod o bartneriaid allanol, gan gynnwys cwmnïau amlwladol mawr a busnesau bach a chanolig lleol.

Uwchgyfrifiadura Cymru yn mynd i SC18

Aeth dau uwch aelod o Uwchgyfrifiadura Cymru i SC18 yn Dallas er mwyn arddangos cyfleusterau a gwaith y rhaglen.

Cyflwynodd yr Athro Martyn Guest a Dr Christine Kitchen gyflwyniadau am sut mae Uwchgyfrifiadura Cymru yn darparu adnoddau cyfrifiadura i ymchwilwyr ar draws y wlad.

Gwrandawodd tua 400 o bobl ar gyflwyniad yr Athro Guest yng Nghyfarfod Cymunedol Uwchgyfrifiadura Dell EMC ar 12 Tachwedd. Daeth cyfle i ymgysylltu â chyflenwyr a darpar gydweithwyr mewn cyflwyniadau eraill yn y gynhadledd.

2018 yw 30ain penblwydd y gynhadledd am gyfrifiadura perfformiad uchel, rhwydweithio, storio a dadansoddi. Nod y gynhadledd yw dathlu cyfraniadau ymchwilwyr a gwyddonwyr ym maes uwchgyfrifiadura.

Daeth dros 13,070 i’r gynhadledd, sy’n fwy nag erioed o’r blaen.

Uwchgyfrifiadura Cymru yn dathlu ei lansiad swyddogol yn y Senedd

Daeth Aelodau Cynulliad, cynrychiolwyr o brifysgolion Caerdydd, Abertawe, Bangor ac Aberystwyth a chynrychiolwyr o Dell EMC ac Atos ynghyd i ddathlu lansiad swyddogol Uwchgyfrifiadura Cymru yn y Senedd ym Mae Caerdydd ddydd Iau, 11 Hydref.

Fe wnaeth y Peirianwyr Meddalwedd Ymchwil o brifysgolion y consortiwm arddangos posteri yn y digwyddiad oedd yn rhoi manylion am sut maent yn defnyddio’r cyfleusterau uwchgyfrifiadura fel rhan o’u gwaith, a chafodd y rhai oedd yn bresennol ddetholiad o astudiaethau achos.

Mae’r rhaglen £15m wedi cael ei ariannu gan £9m trwy Gronfa Datblygu Rhanbarthol Ewrop (ERDF) trwy Lywodraeth Cymru, a darparwyd arian cyfatebol trwy fuddsoddiad gwerth miliynau gan bartneriaid y prifysgolion.

Dywedodd yr Athro Roger Whitaker, Cyfarwyddwr Academaidd Uwchgyfrifiadura Cymru: “Bydd Uwchgyfrifiadura Cymru yn datgloi’r galluoedd ymchwil o’r radd flaenaf sydd gennym yma yng Nghymru, ac yn rhoi’r wlad mewn sefyllfa gadarn i allu cystadlu ar draws y byd.”

Cyfleusterau uwchgyfrifiadura newydd

Bydd y prif ganolfannau uwchgyfrifiadurol yng Nghaerdydd ac Abertawe sy’n gwasanaethu’r pedwar prifysgol consortiwm yn cael eu hadnewyddu’n llawn yn ystod hanner cyntaf 2018, gyda thimau ymchwil ar draws y prifysgolion consortiwm yn cael mynediad drwy gysylltiadau rhwydwaith cyflym. Bydd y cyfleusterau’n cynnwys cyfanswm o 13,000 o greiddiau prosesu wedi’u cysylltu â chof a storio cyflymder uchel.

Digwyddiadau Diweddaraf

Uwchgyfrifiadura Cymru yn dathlu ei lansiad swyddogol yn y Senedd

Daeth Aelodau Cynulliad, cynrychiolwyr o brifysgolion Caerdydd, Abertawe, Bangor ac Aberystwyth a chynrychiolwyr o Dell EMC ac Atos ynghyd i ddathlu lansiad swyddogol Uwchgyfrifiadura Cymru yn y Senedd ym Mae Caerdydd ddydd Iau, 11 Hydref. Bydd Peirianwyr Meddalwedd Ymchwil yn gweithio gydag ymchwilwyr ar draws y consortiwm i ddatblygu algorithmau a meddalwedd wedi’i theilwra sy’n […]

Darllen Mwy

Digwyddiadau Diweddaraf

Symposiwm RSE

Daeth dros 30 o aelodau tîm Uwchgyfrifiadura Cymru i Gaerdydd ym mis Tachwedd 2017 i ddysgu am y nodau, yr amcanion a’r arferion gorau a bennwyd ar gyfer rhaglen Uwchgyfrifiadura Cymru.

Darllen Mwy

Cysylltwch â ni

Uwchgyfrifiadura Cymru
Sefydliad Ymchwil Arloesedd Data
Prifysgol Caerdydd
Adeilad Trevithick
The Parade
Caerdydd
CF24 3AA
Cymru

ymholiadau@uwchgyfrifiadura.cymru